Буряад Улас Аласу Дурнын федеральна тойрогой бүридэлдэ шэлжэн ороһон сагһаа хамта дэрээ 7 миллиард “алас дурнын мүнгэ” абаа. “Алас дурнын дэмжэлгын” тоонуудые уласай толгойлогшо Алексей Цыденов мүнөөдэр сэтгүүлшэдтэй уулзаха үедөө хэлээ юм.
Тэрэнэй үгөөр, тэрэ тоодо тэрэ мүнгөөр 2018 онһоо ниигэмэй бүтээн байгуулалта ехэ шэнэдхэгдээ – нютаг можодо дэлхэйдэ зохихо стандарттай үндэр технологитой тоног түхеэрэмжэтэй бүтэн циклтэй ядерна анагааха ухаанай түрүүшын түб бии болоо. Энэ түбтэ хабдарта үбшэнтэниие эхин дээрэнь үбшэ оношлого хэхэ ба адаглаха аргатай.
Тэрэ санкцинуудай ороһон байһаниие тайлбарилаа. Тэрэнэй хэлэһэнэй ёһоор, Буряад Улас өөр дээрээ энэниие хүсэд мэдэрээгүй байна. Цыденовэй хэлэһээр, бизнес стандартна бэшэ алхамуудые бэдэржэ байнхай. Тэрэ жэшээ дурдахадаа, “Хяагта” гэһэн тамуужанай-логистикын хубиин терминал ашаглалда оруулха талаар түсэл тухай хэлээ, эдэй засагай хуралдаанай талмай дээрэ энэ хэлсээн баталагдаһан байгаа гэжэ һануулха хэрэгтэй. Цыденовэй тэмдэглэһэнэй ёһооор, тус түсэл уласта шэнэ юм, тэрэ 100 гаран ажалай байра терминалай ажалда үгэхэ юм. Хубиин хүрэнгэ оруулагша 437 сая түхэриг оруулха бэлэн. Терминал барилга 2 ээлжээнһээ – 2023 болон 2025 онуудта хараалагдана. Хүн зониие ажалтай болгохоһоо гадна Хяагтын бүтээн байгуулалтын шэнэ шанарые хүгжөөхэдэ түлхисэ болохо. Тэрэ дибисхэр дээрэ хүргэгшын болон тамуужанай агуулганууд, саг зуура хадагалха складууд, хүндэ ашаанай унаа тээбэриин зогсоолнууд болон бусад байгуулагдаха болоно.
