Буряад Уласай Толгойлогшо Алексей Цыденов һунгуулиин удаа нэн түрүүлэн уласай засагай газар ямар асуудалнууд дээрэ һаяын сагта хүдэлхэ һанаатай байһан тухай хэблэлэй хурал дээрээ хөөрэжэ үгөө гэжэ Восток-Телеинформ бэшэнэ.
- Манай эндэ ЖКХ-гай шэглэлые шангалха тон лэ хэрэгтэй болоод байна, - гэжэ тэрэ тэмдэглээ, - бүхы Буряад Уласай,тэрэ тоодо хойто аймагуудта, мүн баһа Селенгинскдэ болон Гусиноозерскдо коммунальна һалбари элэгдэл ехэтэй. Сахилгаан халаалтада оруулха тухай хөөрэлдөөе бодото дээрэнь оруулха хэрэгтэй, ТЭЦ-2 шэнэдхэхэ хэрэгтэй, мүн баһа бүхы котельнинүүдэй хүсэн шадалые нэмэхэ хэрэгтэй байна. Манай эндэ жэлдэ 800 сая мүнгэн – дулаасуулгын байгуулгын хүсэлдүүлэгдэдэггүй бүхы гаргашанууд юм, иигэн тиигэн энэ гаргашые бюджедһөө түлэнэбди. Хойто аймагуудаар хүнгэлтэтэй тарифуудаар, үбэлдэ бэлдэлгэдэ шууд тэдхэмжэ үгэнэбди, шулуун нүүрһэ худалдан абалгада тэдхэмжэ үгтэнэ гэхэ мэтэшэлэн. Дулаасуулгын байгуулга хуушарһан, элэһэн, алдагдаг ехэтэй болонхой болон ашаг үрэнь доогуур юм. Элдэб хүтэлбэринүүдээр хүнүүдые нүүлгэнэбди, гэр байрань үлэнэ, тэрэ гэрнүүдтэ үсөөхэн хүн үлэнэ, зүгээр бүхы кварталда дулаа үгэхэ баатай болонобди. Бүтээн байгуулалта, ЖКХ, дулаасуулгын болон сахилгаан галай хангалга шангалха ба анхарал хандуулха хэрэгтэй байна.
Үшөө нэгэ шэглэл – гэр байра барилга. “Гэр байранууд олон болохо ёһотой ба үнэ сэнгынь болохоор болгохо хэрэгтэй. Мүнөө дээрээ эрилтэнь дурадхаһанһаа үлүү байна, эндэһээ боложо, дүрбэлжэн метрэй үнэ иимэ үндэр, заха дээрэ дурадхалнуудые олон болгохо хэрэгтэй, талмайнуудые болон бүтээн байгуулалта бэлдэхэ, ниитын тээбэриин асуудалнуудые шиидхэхэ хэрэгтэй, юундэб гэхэдэ, барилгын эмхинүүд баригдажа байһан гэр байранууд худалдаанда гараха гэжэ мэдэжэ байха ёһотой, үнэ сэнгынь хүртэмжэтэй болохо.
Буряад Улас болбосоролой талаар ехэ заһабарилгын хүтэлбэридэ ороо, энэ жэл 55 һургуулинуудта ехэ заһабарилганууд хэгдэжэ байна. “Бидэ мэдэжэ байнабди, - гэжэ Буряад Уласай Толгойлогшо тэмдэглээ, - үшөө хэды һургуулида хэгдэхэ бэ гэжэ мэдэжэ байнабди. Элүүрые хамгаалгада бүтээн байгуулалтануудые шэнэдхэжэ байнабди, зүгөөр ажаллаха хүнэй нөөсын талаар ехэ асуудал бии. Болбосоролдо шэнги, хүүгэдэй сэсэрлигүүдтэ болон һургуулинуудта ээлжээн бага болоо, харин ажалшадай нөөсын болон болбосролой шанарта асуудалнууд гарана, юундэб гэхэдэ, хананууд бэшэ, багшанарзаажа байна ха юм. Тиимэһэ мүнөө Буряад Уласта һанаа амар байха шэглэл гэжэ алга байна”, - гэжэ Цыденов тэмдэглээ.
