Байгша оной мартын 28-һаа апрелиин 23-н болотор үнгэргэгдэһэн «Месячник чистоты» гэһэн хэмжээ ябуулга ехэ субботнигээр дүүрэбэ. Нажарай халуун хаһын эхилхэһээ урид, хотын бүхы аймагуудта сэбэрлэлгын ажалнууд хэгдээ. Харгынуудые хамахаһаа эхилээд, һөөг бургааһануудые болон сагдуулнуудые һуулгаһан байна. Удха шанартай хүшөөнүүдэй дэргэдэ хотын ажаһуугшад сэбэрлээ, бог шоройһоо арилгаа. Арадай Хуралай «Единая Россия» намай фракциин бүридэлдэ ородог һунгамалнууд, «Молодая гвардия» хүдэлөөнэй гэшүүд сэбэрлэлгын ажалда эдэбхитэй хабаадалсаа.
-«Единая Россия» намай Буряадтахи таһаг жэл бүхэндэ олоной хэрэгтэ оролсодог юм. Олон жэлэй туршада хотын үйлсэ гудамжануудые сэбэрлэхэ ажалда хабааданабди, - гэжэ Арадай Хуралай һунгамал, «Единая Россия» намай Буряадтахи таһагай гүйсэдхэхы хорооной түрүүлэгшэ Владимир Ведерников дуулгана.
Һайн дуратан олон жэлэй туршада Дээдэ Онгостойн дасанай хорёо зосоонь мүн газаагуурнь сэбэрлэнэ.
-Арбаад жэлэй туршада эндэһээ хог бог суглуулжа хаянабди. Жэл бүхэндэ олон ондоо эмхи зургаанай ажалшадые хабаадуулха гэжэ оролдонобди, - гэжэ «Молодая гвардия» хүдэлөөнэй аппарадай хүтэлбэрилэгшэ Фёдор Бутин хэлэнэ.
