Буряадай хүдөө нютагуудай ажаһуугшад хамжаандаа наймаалагдадаг сахарай бүхы нөөсэ худалдан абабад. Энэнь архи нэрэхэ дуратайшуулһаа болобо гэжэ үйлэдбэриин болон наймаанай яаманай сайдай уялгануудые дүүргэгшэ Алексей Оловянников хэлэнэ. Апрелиин 21-дэ Арадай Хуралда болоһон суглаанай үедэ, һунгамал Анатолий Кушнарёв сахарай дутагдал тухай асуудал табиһан байна.
-Зэдын, Бэшүүрэй аймагуудта сахарай сэн яһала ургаһан тухай гомдол ажаһуугшадһаа ороһон байна. Бидэнэй тиишээ хүрэжэ ерэхэдэ, нэгэ килограмм сахарай сэн алаабхида 117 түхэригтэ байна. Хадуудахи томо дэлгүүртэнь нэгэ килограмм сахарай сэн 73 түхэригтэ. Харин 117–оон түхэригэй сахар наймаашан өөрөө 95 түхэригөөр худалдажа абаһан юм. Энэнь нэгэ бага ондоошог, архи нэрэхэдэ тон тааруу байжа иимэ сэнтэй байба бшуу. Мүнөө үедэ эгээл энэ сахар найманда табигданагүй. Иимэл даа үнэн байдалынь, - гэжэ Алексей Оловянников дуулгана.
Тиихэдэнь Арадай Хуралай һунгамал Анатолий Кушнарев тэрэ архииень “Арадай коньяк” гэжэ нэрлэхэ тухай дурадхаба.
