Буряад Уласай Толгойлогшо Алексей Цыденов«Russian Travel Awards» гэһэн бүхэроссиин аяншалгын шангай лауреадай нэрэ зэргэдэ хүртөө. Уласай толгойлогшо “Эсэгэ ороной аяншалга хүгжөөлгэдэ горитой хубитаяа оруулһанай түлөө” гэһэн номинацида шагнагдаа. Буряад Улас болбол “Угсаата зүйн аяншалгын газар дэбисхэр” гэһэн бүхэроссиин шангай илагша болоо гэжэ Буряад Уласай Засагай газарай холбоосоор Восток-Телеинформ мэдээсэбэ.
“Чартерна шэлэдэг хүтэлбэри гэһэн нэрэдэ «TUI Росси» гэһэн эмхиһээ Буряад Уласта чартерна хүтэлбэри тоологдоо.
– Бүхы лауреадуудые болон финалда гарагшадые амжалтатай ажалаа ябауулһанай түлөө баяр хүргэнэб! Russian Travel Awards гэһэн шан ехэ ерээдүйтэй гэжэ һананаб, тиигэжэ тэрэ эсэгэ ороной аяншалгын хүгжэлтэдэ үшөө нэгэ нэмэри болохо бэзэ гэжэ найданам, – гэжэ шагналай харгалзалагшадай зүблэлэй түрүүлэгшэ Геннадий Шаталов тэмдэглээ.
Russian Travel Awards гэһэн бүхэроссин аяншалгын шагнал барюулга Аяншалгын талаар федеральна агентствын ба Санкт-Петербургын аяншалгын талаар хорооной дэмжэлгээр февралиин 24 ба 25-ай үдэрнүүдтэ үнгэрөө юм. Энэ шан болбол эсэгэ ороной аяншалга хүгжөөлгэ болон дэлгэрүүлгэдэ зорюулагдана, тиигэжэ үнгэрһэн жэлэй дүнгөөр барюулагдадаг. Урилдаанай, деловой болон үзэсхэлэнэй хүтэлбэреэр шагналай түгэсхэлэй шатада гүрэнэй 32 нютаг можонуудай түлөөлэгшэд оролсоһон байна.
