ХОУ-гай Засагай газарай түрүүлэгшын орлогшо – ДФО-до ХОУ-гай юрэнхылэгшын бүрин эрхэтэ түлөөлэгшэ Юрий Трутнев 2021 оной ажалай дүн гаргаха болон 2022 ондо түрүү ээлжээнэй зорилгонуудай талаар суглаа үнгэргөө. Буряад Уласай Толгойлогшо Алексей ЦыденовДФО-гой нютаг можонуудай толгойлогшын тоодо энэ суглаанда оролсоһон байна.
Алас Дурнын болон Арктикын ба Владивостогой сүлөөтэй портын хүрэнгэ һомололгын аятай нүхэсэл дэшэлүүлхэ, алас дурнынхидай болон хойто зүйгэйхидэй ажамидаралай шанар дээшэлүүлхэ асуудалнууд зүбшэн хэлсэгдээ.
– Үнгэрһэн жэл бэлэн бэшэ байгаа. Пандемиин эрхэ нүэсэлдэ бидэ хүдэлөөбди, тэрэнь хүрэнгэ оруулалтын оршондо, хүнүүдэй амидаралда, холбоо харилсаанда нүлөөлөө. Зарим портнуудта, зарин нэгэ тээбэриин замуудта ехэхэн ашаал боложо үгөө. Гэхэтэй хамта, аяндаа ороһон ажалай шэглэлнүүд бии. Предприятинуудые барилга үргэлжэлһөөр, ажалай байранууд бии болоно, ниигэмэй халамжын объектнүүдые барилга хэгдэнэ, “Ниитэ нэгэ тэдхэмжын”, болон гүрэнэй үндэһэн түсэлнүүдэй хүреэндэ ажалнууд хэгдэнэ, – гээд энэ суглаагаа Юрий Тутнев эхилһэн байна.
Алас дурнын нютаг можонуудай толгойлогшонор эдэй засагай хүгжэлтын, ниигэмэй халамжын һалбариин хүгжэлтын гол шэглэлнүүд болон хүн зоной ажамидарал дээшэлүүлгэдэ шэглүүлэгдэһэн хэмжээнүүд тухай шадар сайдта хэлэжэ үгөө.
2021 оной дүнгүүд үнгэрһэн жэлнүүдэй байдалые байлгажа шадаа, ДФО-до шэлжэн ороһон үеһөө федеральна бюджедһөө зэргэ шэглэлнүүдтэ мүнгэн һомололго эрид дээшэлһэн байха юм. Эдэ жэлнүүд соо хүүгэдтэй гэр бүлэнүүдтэ ниигэмэй халамжын түлбэринүүд 4 дахин дээшэлээ. Тиин, 2021 ондо үхибүүнэй түрэхэдэ түлбэринүүдые 28 мянга гаран гэр бүлэнүүд абажа байнхай. 2019 онтой сасуулбал, энэ 2,5 дахин ехэ болоно. Хүрэнгэ оруулалтын хэмжээн ехэхэнээр дээшэлүүлэгдээ, тэрэнь нёдондо жэл 75,8 млрд түхэригтэ хүрөө, сасуулаад үзэхэдэ, 2017 ондо энэ 33,4 байгаа һэн. Энэ болон бусад харуулалтануудые туйлахада ДФО-гой нютаг можонуудта зорюута бэлдэгдэһэн элдэб хүтэлбэринүүд туһа болоно, – гэжэ Буряад Уласай Толгойлогшо Алексей Цыденов тэмдэглээ.
Алас Дурнада ТОР-нуудай хэмжээндэ 562 хүрэнгэ оруулалтын түсэлнүүд бэелүүлэгдэнэ, хэрээ хэлсээнүүдээр хүрэнгэ оруулалтын хэмжээн 4,4 трлн түхэригтэ хүрэнэ, тэдэнэй 1,5 трлн хэрэг дээрэ оруулагдаа, 49,5 мянган ажалай байра бии болгоогдоо. Тэдхэлгэ дэмжэлгын журам соо болон ДФО-до хүрэнгэ оруулагшадые дэмжэхэ хэмжээн соо зургаан жэлэй ажалай дүнгөөр (2015 онһоо 2021 он болотор) 456 предприятинууд ашаглалда оруулагдаа ба 92,8 мянган ажалай шэнэ байранууд нээгдээ юм.
