Февралиин 18-да пятницын үдэр Буряад Уласай Толгойлогшо Алексей Цыденов Хурамхаанай аймагта ажалай айлшалга хэжэ эхилээ. Түрүүн хүрэһэн газарынь болбол Арзгун һууриин болон Май тосхон холбоһон ба аймагай модо бэлэдхэгшэдэй хэрэгтэ мүн лэ хэрэгтэй болодог Гаарга гол дээгүүр хүүргэ болоно. Мүнөө дээрээ тэрэ хүүргэ зааһабарилгада проектын-сметын бэшэг баримта бэлдэгдэжэ байна, тэрэ хүүргын хүндын даасыень дээшэлүлхэ зорилготой юм, Буряад Уласай Засагай газарһаа эшэ татанВосток-Телеинформ
мэдээсэнэ.
Май тосхондо Алексей Цыденов котельни, амбулатори болон соёлой байшан хүрэжэошохо. Шаманка тосхондо Буряад Уласай Толгойлогшо “Эхин шатын звено шэнэдхэлгэ” гэһэн ХОУ-гай Минздравай федеральна хүтэлбэриин хүреэндэ баригдаһан фельдшерско-акушерскэ пунктын нээлтэдэ оролсохо. Алексей Цыденов Хурамхаанай ЦРБ-дэ аймагай эмшэдтэй уулзажа хөөрэлдэхэ.
Тиихэдэ Хурамхаан һууринда һургуули баригдаха участок тэрэ хараха ба хүн зонтой уулзалга үнгэргэхэ, тэрэнь ниитын сүлжээндэ “шууд эфирээр” дамжуулагдажа байха юм. Ниитын сүлжээнэй хэрэглэгшэд өөһэдынгөө асуудалнуудые табиха аргатай, тэдэнииень модератор хэлэжэ байха юм.
Үсэгэлдэр Алексей Цыденов Баргажанай аймагта ажаллаа гэжэ нэмэжэ хэлэхэ хэрэгтэй. Тэрэ өөрынгөө ажалые Баргажанай Адаг тосхондо элүүрые хамгаалгын объектнүүд болохо поликлиника болон участково эмнэлгэ ошоһон байна. Тэндэ байһан байшанууд заһабарилагдахаар болоһон юм. Мүнөө дээрээ проектын-сметын бэшэг баримтануудые бэлдэхын тула участково эмнэлгын байшан шэнжэлэлгэ үнгэргэлгэдэ хэлсээн баталагдаад байна. Элүүрые хамгаалгын үшөө нэгэ объект болбол, толгойлогшо тэрэ асуудалнуудтай танилсаа гэбэл, Баргажанай аймагай юрэнхы эмнэлгын халдабарита үбшэнэй отделени болоно. Аймагай һууриин газарнуудай бусад объектнүүдые ошожо хараа юм.
