Загарай тосхондо, Арадай Хуралай hунгамал Виктор Ячменевай hунгалтын округта шэнэ физкультурна ба бэеын тамир hайжаруулгын нээмэл түхэлэй комплексын барилга хэгдэнэ.
Гар бүмбэгэ, бага хүл бүмбэгэ, стритбол, хоккей наадаха тусхай талмайнууд болон хэсүү бэрхэтэй спортын түхэлэй талмай бии. Хүнгэн атлетикэдэ дуратайшуулда зохид гүйдэлэй зүргэ, hүрэлгын сектор, элдэб янзын тренажёрнууд бии болохо. 800 гаран hурагшад эндэ бэеэ hорихо аргатай болохо. Энэ талмай дээрэ олониитын аймагай спортын хэмжээ ябуулгануудые үнгэргэжэ болохо.
Тиигэбэшье, Буряад Уласай гүрэнэй дээдэ хуралай hунгамалнууд хушалтын шанарта зэмэлэлтэ хэлэбэ. Хушалта аюулгүй бэшэ гэжэ тэдэ тоолобо. Хушалта муу шанартайгаар дэбдигдээ гэжэ нютагайшье зон hунгамалда гомдолго хэлэhэн байна.
- Тиимэhээ бидэ эндэ сугларжа, энэ асуудал шиидхэлгын хэдэн аргануудые зүбшэн хэлсэхэмнай. Харин ажалда хүлhэлэгшэд энэ дутуу дундануудаа усадхаха ёhотой гэжэ ойлгосотой, - гэжэ Виктор Ячменев тэмдэглээ.
- Энэ спортын объект аймагта ехэ удха шанартай, тиимэhээ барилгада иимэ алдуунуудые гаргажа болохогүй,- гэжэ Арадай Хуралай hунгамал Батор Цыбиков тоолоно.
