Буряад Уласта таксин заатагүй шара үнгэ болюулба. Иимэ шиидхэбэри апрелиин 22-то Арадай Хуралай ээлжээтэ парламентын сесси дээрэ абтаба. Дурадхагдаhан заhалга соо заатагүй таксин шара үнгын эрилтэ, харин тиихэдэ захиргаанай харюусалга республикын дэбисхэр дээрэ хүсэгүй болобо,- гэжэ Восток-Телеинформ мэдээсэнэ.
«Шара такси» гэhэн хуули манай нютагта 2015 оной январиин 1-hээ хүдэлжэ эхилhэн байгаа. Энэ ажалай ехэнхи хубинь ондоо үнгэтэй автомашинаар дүүргэгдэнэ. Энэ хуули нютаг засагай байгууламжануудта эндэ тэндэ бэелүүлэгдэдэг, нюуса хэрэг эрхилэгшэд олон болошоо. Хуулиин ёhоор зониие зөөдэг жолоошод арба дахин, табанhаа доошо машинатай эмхинүүд арбан таба дахин үсөөржэ, хүнгэн таксида жэл бүхэндэ үгтэдэг захиралта 7,5 дахин бага болоhон байгаа. Тиимэhээ, хуулиин зүбшөөлгүй нюуса таксинуудые усадхаха хэрэгтэй. Шара үнгэ болюулга энэ хэрэгтэ нэгэ алхам болоно ха юм, жолоошон бүхэн машинаяа шара үнгөөр шэнээр шэрдэжэ шадахагүй гэжэ депутат Олег Фёдоров элидхэл соогоо хэлэбэ.
Үшөө тэрэ иигэжэ нэмэбэ: «Унаагаар ябагшад шара үнгэтэй бэшэ таксигаар ябаха дуратай, юундэб гэхэдэ өөрын унаагаар ябаhан жолоошод тэрэнээ сэбэрээр, наряар унажа ябана».
