Инвестициин министр Антон Виноградов Ородой Холбоото Уласай Юрэнхылэгшын дэргэдэхи Буряадай түлөөлгын газарай хүтэлбэрилэгшын уялга дүүргэгшээр Москва хотодо томилогдобо гэжэ Восток – Телеинформ Буряад Уласай толгойлогшын ба Засагай газарай мэдээсэлэй албанhаа дуулгаба.
Ииимэ шиидхэбэри Антон Виноградовай hайн хүдэлhэнэй үрэ дүн болоно. Хүдэлhэн саг болзор соогоо урагшаа hанаатай, эдэбхитэй, бэрхэ мэргэжэлтэн, хүтэлбэрилэгшэ байhанаа гэршэлээ. Түбэй хизаарнуудhаа инвесторнуудые hонирхуулжа, татажа шадаа гэжэ Засагай газарта тэмдэглэнэ. Үшөө тиихэдэ, бүхы уласай ямаршье хэмжээндэ үрэ дүнтэй хэрэг бүтээжэ шадаха байhанаа харуулаа.
Майн 21-hээ Антон Виноградов инвестицин сайдай эрхэтэ ажалhаа болино.
2018 оной февраль соогуур Буряад Уласай Толгойлогшо Алексей Цыденов Антон Виноградовые Уласай инвестициин сайд болгожо табиhан байна. Энэ томилолго тухайгаа социальна сеть соо хубаалдаа: «1-дэхеэр, манай проектнуудые, түсэбүдые Холбоото Уласай хэмжээндэ дэмжэхэ хэрэгтэй. Буряадайнгаа ашаг олзын ябуулга дээшэлүүлхэ ёhотойбди. Үнэн дээрээ холбоото уласай хүгжөөлгын олон тоото институднүүд бии. Харин манай хэрэг үүсхэгшэд тэндэ хүрэжэ шаданагүй, hайн проектнуудта орохо аргагүй байна, мэдэнэшьегүй. Иимэ хэрэгтэнь туhалха хэрэгтэй» .
