Улаан-Үдэдэ Буряадай гүрэнэй дээдэ hургуулида апрелиин 17-до байгаали хамгаалагшад, олониитын ажал ябуулагшад, дээдэ захиргаан «Экология» гэжэ проект бэелүүлгэ тухай зүбшэлгын хэлсээ үнгэргэбэ. Буряад Уласта Россин Президент Владимир Путинай «майн» зарлигаар уласай проект байгуулагданхай гээшэ. Энээндэ хизаарай 5 проект ороно: «Сохранение озера Байкал», «Чистая страна», «Комплексная система обращения с твёрдыми коммунальными отходами», «Чистая вода» ба «Сохранение лесов».
Энэ зүбшэн хэлсэлгэдэ Алексей Цыденов хабаадаба. Байгал далай хамгаалха, аршалха хэрэг хамтын хүсэн гээшэ гэжэ тэмдэглээ. Арад зон байгаалияа хамгаалха хэрэгтэ ехэ эдэбхитэйгээр хабаадана, анхаралтайгаар хандана гэжэ хэлэбэ.Манай уласай арад зон өөрын дураар Байгал далайнгаа эръе бог шоройhоо арилгажа гарана. Байгаалиин хубилалтануудта ехэ hанаагаа зобоно гэжэ тэмдэглээ.
Байгал далайн эръеэр 21 уhа сэбэрэлгын түхеэрэлгэнүүд баригдаха. Улаан-Үдэдэ хоер жэлэй хугасаа соо Сэлэнгын баруун эръеэр сэбэрэлгын хэрэгсэл табигдаха. 2021 оной h лдэ үшөө 20 объект аймагуудаар табигдаха. 2024 он болотор 8,6 млрд түхэриг hомологдохо.
