Буряад Уласай Арадай Хурал Далай шадарай хизаарай Хуули зохëолгын Суглаанай Ородой Холбооной Байгаалиин нөөсэнүүдэй болон ариг сэбэрэй сайд Дмитрий Кобылкинда хандаһые дэмжэбэ. Илангаяа мүшэр суглуулха дүрим тухай тэрэ хандалга доторынь хэлэгдэнхэй һэн. Гол түлэб «мүшэр» гэжэ ойлгосые нарижуулха шухала.
Отологдоһон, сабшагдаһан үлөөдэһэн мүшэр гэжэ тоологдохо гү? Хаанаһаа абажа болохоб? Үгыб? Гэхэ мэтын асуудалнууд олон үлэнхэй. Гэхэ зуура, ой модон соо хаядаһан байхадаа аюултай. Энэ мэтын ойлгосонуудые хуули дотороо улам нарижуулха шухала.
«Эдэ бүгэдэ ушарһаа ой модо ариг сэбэр байлгахын тулада улад зондо мүшэр болохо үлэгдөөсэнүүдые өөрын хэрэгсэлдэ абахые зүбшөөхэ», - хуули зохëогшод тоолоно.
Буряад уласта мүшэр суглуулха тухай хуули намар абтаа һэн һануулая. Тэрэнэй ëһоор, 2019 оной январиин 1-һээ тэрэ хүсэндөө оробо. Тиигэжэ улад зондо ой гаража, һархяаг, жэмэс мэтэ мүшэр миинтээр суглуулха эрхэ олгогдоһон жэшээтэй. Юрын зонойшье тала эндэ ганса харагдаа бэшэ, түймэр сараха гуримда тэрэ хуули мүн лэ таатай гээд эндэ ойлгуулагдана. Угайдхадаа, «манай эндэ ойн оëорто үлэһэн хуурай мүшэр нилээд ехэ, тэрээниие дамжаһан гал тогтоохо гээшэ нилээд хэсүү» гэжэ Байгаалиин яаманай мэргэжэлтэдшье тэмдэглэнэ.
