Ородой Холбооной Уласай Бүгэдын Суглаанай Хизаар можонуудай зүблэлэй ниитэ уладай түрын талаар хорооной түрүүлэгшын орлогшо, Буряад Уласай Арадай Хуралай түлөөлэгшэ Александр Варфоломеев Ородой Холбооной Засагай Газарай 2024 он болотор хараалһан түсэбүүдые зохëолгын зүблөөндэ һаяхан хабаадалсаба. Хуралдаанай Ородой Холбооной Эдэй засагай хүгжэлтын яаманда үнгэргэгдэхэһөө, тус яаманай сайд Максим Орешкин тэрэниие хүтэлэн ябуулһан байна. Орон нютагуудта амин шухала асуудалнууд хэлсэгдээ гээд Александр Варфоломеев тэмдэглээ. «Алас Дурнын болон Байгал шадарай нютаг можонуудые хүгжөөхэ гүрэнэй хүтэлбэр тухай асуудалда би анхарал хандуулааб. Юуб гэхэдэ, тэрэниие бэелүүлхэ мүнгэ алтан, манай һанмжаарғ хараалагдаагүй зандаа», - гэжэ сенатор соносхобо.
Сенаторай дуулгаһаар, нютагайнгаа элүүрые хамгаалгын һалбариин ажалые нарижуулха талаар дурадхалаа гүрэн түрын Эдэй засагай хүгжэлтын яаманда тэрэ дамжуулһан байна. Һанамжаарнь, хуряангыгаар ФАИП гэгдэдэг үнөөхи хүтэлбэртэ объектнуудые оруулдаг гуримые хубилгаха шухала саг ерээ. Федеральна Зүблэлэй хорооной дурадхаһаар, «Ямар нэгэ объектые нютаг дээрэ барилгые хараалһан дансануудай Элүүрые хамгаалгын яаманда ээлжээндэ табигдахаар бүригдөө хадань, хуушараадүйдэнь гурбан жэлэй туршада үнөөхи ФАИП хүтэлбэртэ заабол оруулха ëһотой. Үгы һаань нютаг можонууд дэмы мүнгэеэ һалгажа, тэрэ саарһануудаа дахин шэнэлхэ баатай болоно».
Тэрэшэлэн, гүрэн түрын зиндаата «Байгал далай хамгаалха» түсэлдэ анхарал мүн лэ дахяад хандуулһан байна.
