Табадахи зарлалай Арадай Хуралай депутадууд «Засаг газарай саг» гэжэ дүн хамта 30 элдэб янзын асуудал анхарһан байна. Эгээл иигэжэ һунгамаланууд улас түрын гүйсэдхэхы засагай ажал хинажа, шалгажа байгаа. Тэрээн зуур, һунгагшадайнгаа һанаа сэдьхэл зобооһон хурса асуудалнуудые засагай урда табиха үүргэеэ бэелүүлһэг удхатай.
Жэшээнь, арадай һунгамалнууд хото шадарай электропоезднуудые ябуулжа байхые һэргээлсээ, ТГК-14-ын түлбэритэ аша хангалтануудай сэнгүүдые хэдэн дахин хаража үзөөд, заһалсаа, «Читаэнергосбыт» бүлгэмэй урда үлэһэн үри шэринүүдые хүнгэдхэлсөө, багшанай салин хүлһэ нэмээхэ аргануудыеш дурадхаһан байха гэхэ мэтэ.
Гадна, депутадууд хүдөө ажахын байра байдал тухай, бага болон дунда хэмжээнэй олзо эрхилхые, ойн түймэрнүүдые сараха аргануудые, нютаг нугануудай мүнгэн һангай тэнсүүри нарижуулхые, бага зэргын авиациие хүжөөхэ гэхэ мэтые хараалһан мэдээсэлнүүдые анхараа. Юрэнхыдөө, «Засагай газарай саг» гээшые Арадай Хуралай депутадууд, тэдэнэй хороонууд болон нэгэдэлнүүд имагтал үүсхэдэг. Тэндэ зүбшэгдэһэн асуудалнуудаар тусхай тогтоолнууд бүридхэгдэжэ, гүйсэдхэхы зургаануудта дамжуулагдадаг гуримтай.
