Буряадай Арадай Хуралай депутадууд Засаг Газарай бэлдэһэн «Буряад Уласта 2011-2015 онуудта бэлүүлэгдэхэ олониитын хүгжэлтын заршам тухай» тоосоо одоошье баталан абаба. Мүнөөдэр, мартын 1-дэ ээлжээтэ хуралдаандаа олонхи һунгамалнууд хуулиин түсэлые нэгэдэхи уншалгаар дэмжэһэн байна.
Засагай Газарай зүгһөө элидхэгшэ гэжэ эдэй засагай талаар орлогшын тушаалһаа бууһан Александр Чепик хэды бэшэгдэһэн байгаашье хада, ябаһан ушарһаань боложо, улас түрын засаг газарай түрүүлэгшын нэгэдэхи орлогшо Иннокентий Егоров тоосохо баатай болобо.
Засаг Газарай заршамай дүнгүүд жэл бүри Арадай Хуралтай хамта баталгдажа байгаа, тиимэһээ «туйлагдаһан амжалтанууд тухай» һунгамалнууд һайн мэдэнэ гээд тэмдэглэбэ. Анха түрүүн заршам дотор 134 индикатор байгаа, тэдэнэй юһэниинь 2011 ондо дүүргэгдээгүй үлөө, тэрэ тоодо регионой валова продукт, хүдөө ажахы, зониие хото оршон шэрэлгэ зөөбэри, хэлхеэ холбоон тухай асуудалнууд ороно. 2012 ондо найман индикатор дүүргэгдөөгүй, 2013 ондо – 10, 14 ондо – 17. 2015 ондо заршам дотор дүн хамта юһэн хубилалта оруулагдаа. Тиин һүүлэй һүүлдэ дүүргэгдэнгүй оройдоол гурбан индикатор үлэһэн байна.
