Буряад Уласта “Захиргаанай хуули хазагайруулга тухай” Буряад Уласай хуулида хубилалтанууд оруулагдаа. Энээнһээ хойшо вакуумна машинануудай эзэмшэгшэдые болохогүй газарта бохир уһа угаадаһа адхаһанай түлөө яла тохожо эхилхэ.
Эдэй засагай, байгаалиин баялиг ашаглаха болон экологиин талаар хорооной түрүүлэгшэ Анатолий Кушнарёвой хэлэһэнэй ёһоор, Буряад Уласай ниислэлдэ бохир уһа суглуулха, арюудхаха асуудал үнихэнэй табигдахаар болоһон юм.
- Бохир уһанай коммунальна стогуудые үмсын ассенизаторнууд гаргадаг зайлуулдаг, харин тэдэнэр хажуудахи жалга, гол горхон гү, али канализациин худагууд руу адхажархиха ушарнууд дайралдадаг. Тиимэ хазагайруулгануудые зогсоохын тула хото иимэ забаһаринуудые бэлдэһэн байна, бидэ дэмжэһэн байна гээшэбди, - гэжэ Анатолий Кушнарёв хэлээ.
Болохогүй газарнуудта болон борооной уһа зайлуулха канализаци руу бохир уһа гоожуулһанай түлөө 3000-һаа 5000 түхэриг хүрэтэр захиргаанай яла эрхэтэдтэ тохогдохо, тушаалта нюурнуудта хэдэн дахин ехэ яла тохогдохо болоо. Гэхэтэй хамта, Улаан-Үдэдэ бохир уһа абадаг газарнуудые олон болгохо – жэлэй һүүл болотор Энергетик хороололдо Мунгоновой гудамжаар болон Спиртзаводской трактаар бохир уһа гоожуулха адхаха 3 пунктнууд хүдэлжэ эхилхэ.
