Арадай Хуралай һунгамал Игорь Бобков гудамжада хаягдадаг миисгэйн гүлгэдүүдэй асуудал бодхоогоо. Июниин 8-да ээлжээтэ бэшэ сессиин “Мэдүүлгэ оруулха” сагай хэмжээн соо тэрэ иигэжэ хэлээ, тэрэнэй хүбүүн гэргүй миисгэйн гүлгэдүүдые гэртээ асараад ерэнэ, харин приюдүүдтэ абаашах гэхэдэнь тэрэ амитадые абахаяа арсана гэжэ Восток-Телеинформ
бэшэнэ.
Үсэгэлдэр 8 наһатай минии хүбүүн үдэшэ газаагуур сэнгэжэ байһанаа намда хонходожо иигэжэ хэлээ, байшан гэрэймнай хажууда муу хүнүүд миисгэйн гүлгэдүүдые гаргажа хаяа. Тэрэнэй хоолойнь шэшэржэ байгаа. Газаагуур наадахаяа гараха бүридөө хэн нэгэнэй орхиһон миисгэйн гүлгэдүүдые олоод лэ абаад ерэхэдэнь, тэдэниие тэнжээхэ баатай болонобди. Иимэ ябадалнуудһаа боложо, нэгэ миисгэй манай хашаанда байдаг болоо, үлүү миисгэйтэй болохо гэһэн һанаан намда үгы.
Игорь Бобковой хэлэһэнэй ёһоор,хүбүүнэй миисгэйхэн абаад ерэхэдэнь, амитадай приют руу абаашажа үгэхэ һанаатай хонходоноб. Харин амитадые байрлаха газарта абахаяа арсана, энэ амитадые тэжээхэ арга үгыбди гэлдэнэ.
- Энэ хайша хэрэг гээшэ, манай улас зуун жэлэй ойн баяр сэнгээндэ ехэ мүнгэ гаргашална, харин приюдтэ амитадые байрлуулха байра үгы гэжэ ходо хэлэнэ. Тэрэнэй хэлэһээр, засаг приюдүүдтэ мүнгэ үгэнэгүй, тиимэһээ амитадые абаха аргагүй байна бшуу. Мүнгэ һомолхыень би гуйнаб, хэрбээ хэрэгтэй болоо гээшэ һаань, приюдүүдые һомолхо бюджедэй строка бии болгое, - гэжэ Бобков хэлээ.
