Буряад Уласай Арадай Хуралай ниигэмэй халамжын талаар хороон сэдьхэл мэдэрэлэй үбшэнтэй “Аистенок” гэһэн хүүгэдэйбайрада нүүдэл зүблөө үнгэргөө. Түрүүлэгшэ Игорь Марковец үншэн хүүгэдэй байра байдал тухай хуули эндэ хэр зэргэ бэелүүлэгдэжэ байһан тухай шалгаа.
«Аистеногой» юрэнхы эмшэн Аюр Бимбаев иигэжэ хөөрэжэ үгөө, хүүгэдэй байрада 45 хүмүүжэмэл – хүхөөр байһанһаа 4 наһатай болотор хүүгэд тэдхэлгэ доро байна. Олонхи хубинь саг зуура эндэ байрланхай: тэдэнэй эхэ эсэгэнэр хүндэ хүшэр байдалда оронхой байһанһаа боложо, хүүгэдөө эндэ хүүгэдэй байрада үлдөөхэ гэжэ шиидэһэн байха юм. Эндэ байха саг болзорынь болбол 6 һара, энэ болзорой үнгэрхэдэ харгалзаха зургаанууд хүүгэдтэ түрэлхидэй эрхыень хаһаха аргатай. Зүгөөр олонхи хубинь гэдэргээ гэр бүлэдөө бусадаг ха.
“Атстеногой” штат хүсэд болонхой: 45 хүүгэдтэ 116 ажалшад тоологдоно.“Гэдэргээ гэртээ хэдыниинь бусадаг бэ гэжэбидэ зорюута һонирхоһон байнабди. Һайшаалтайнь юуб гэхэдэ, олонхи ушарта түрэлхид һөөргэнь абадаг юм байна. Ямар һайхан гэр байра баряашье һаа, һайн эрхэ нүхэсэл байгуулаашье гэлэй, харин түрэлхи гэр бүлэһөө һайхан юумэн хүндэ байхагүй. Гүрэн һула байхагүй: хүнүүдтэ али болохо аргаараа туһалха”, - гэжэ тус хорооной түрүүлэгшэ Игорь Марковец тэмдэглээ.
