Арадай Хуралай сентябриин ээлжээтэ сессиин хэлсэгдэхэ асуудалнуудта нютаг можын мүнгэн сангай гол бэшэг баримта болохо “2022 ондо болон 2023 болон 2024 онуудта түсэблэгдэһэн үедэ уласай бюджет тухай” Буряад Уласай хуулида хубилалтануудые оруулха талаар хуулиин түлэб оруулагдаа.
Арадай Хуралай бюджедэй, татабариин болон сангай талаар хорооной зүблөөн дээрэ уласай сангай сайдай орлогшо Лариса Самбарова иигэжэ тэмдэглээ, Кабанскын аймагай Селенгинск тосхондо хог хаядаһа сортолхо сосгосолбори болон ТКО полигон барилгада концессионно хэрээ хэлсээгээр “Уласай хог хаядаһа болбосоруулха завод” гэһэн АО-до зээли абагшын мүнгэнэй гаргаша һомолхын тула Буряад Уласай гүрэнэй лаб найдуулга үзүүлхэ тухай эндэ хэлэгдэнэ. “Экологи” гэһэн Гүрэнэй үндэһэн түсэл бэелүүлгын дагуу “Оршон тойрон хамгаалга” гэһэн ХОУ-гай гүрэнэй хүтэлбэриин талаар уласта үзүүлэгдэһэн мүнгэн болоно.
- Объект барилгын үнэ сэн 470,6 сая түхэригтэ хүрэнэ, тэрэнэй 384 сая түхэригынь федеральна бюджедэй мүнгэн, уласай бюджедэй мүнгэн болбол 7,43 сая болон зээли абагшын зээли мүнгэн – 78,4 сая түхэриг.
2050 оной эсэс болотор болзорто концессионно хэлсээ баталхаар түсэблэгдэнэ. “Уласай хог хаядаһа болбосоруулха завод” АО концессионерэй 78,4 сая түхэриг оруулхын тула 10 жэлээр Буряад Уласай гүрэнэй лаб найдуулга хэрэгтэй болоно, 132,1 сая түхэригэй, тэрэ тоодо гол үри болон тоологдоһон түрэсэ оруулан улас уялга даажа абахаар хараалагдана.
Бюджедэй хорооной зүблөөнэй ажалай хэсэг дээрэ Хуулиин тус түлэбөөр шиидхэбэри абтаха юм.
