Буряад Уласай Арадай Хуралайгазарай асуудалнуудай, хүдөө ажахын бодолгын болон хэрэглэгшын заха зээлиин талаар хорооной зүблөөн дээрэ хуули гаргагшад ерээдүйн сессиин асуудалнуудые хаража үзэбэ. Хабаатай асуудалнууд сооһоо “Буряад Уласта гүрэнэй талаһаа хүдөө ажахы дэмжэхэ тухай” уласай хуулида хубилалтануудые оруулха талаар хуулиин түлэбые гэшүүд зүбшөөрбэ.
Хорооной түрүүлэгшэ Дмитрий Швецов хамта ажаллагшадаа оруулагдаха заһабаринуудтай танилсуулаа. Тэрэнэй хэлэһэнэй ёһоор, нютаг можын хуули болбол “Хүдөө ажахын хүгжэлтэ тухай” Федеральна хуулида хубилалтануудые оруулха тухай” 2022 оной июниин 11-эй № 169-ФЗ Федеральна хуулида зохилдуулагдана, тэрэ хуулида оньһото сахим түхэлөөр хүдөө ажахын һалбарида гүрэнэй талаһаа дэмжэлгэ үзззлгын механизм болон хуули ёһонойнь үндэһэ һуури тогтооно.
- Федеральна хуулида шэнэ статья нэмэгдэжэ ороо, тэрэнь хүдөө ажахын һалбариин тоо системын һньһото мэдээслэй сервисүүдые байгуулга хараалһан байха юм. Тэрэ системэ болбол хүдөө ажахын хүгжэлтын талаар гүрэнэй дэмжэлгын болон хүдөө ажахын газар дэбисхэрнүүдые тогтууритай хүгжөөлгын арга хэмжээнүүдые, оньһото сахим аргаар гүрэнэй дэмжэлгын арга хэмжээнүүдые үзүүлгэдэ мэдүүлгэнүүдые бүрилдүүлгэ болон хаража үзэлгэ, гүрэнэй дэмжэлгэ абагшадта хүргэлтын хиналта, хүдөө ажахы хүгжөөхэ талаар гүрэнэй дэмжэлгын болон хүдөө газар дэбисхэрнүүдэй тогтууритай хүгжэлтын талаар хэмжээнүүдые бэелүүлхэ хэмжээн соо үзүүлэгдэһэн тоосоо абалга, - гэжэ парламентын гэшүүн хэлээ.
