“Алас Дурна болон Үбэр Байгал” гэһэн парламентын эблэлэй зүблөөн дээрэ Холбоото Ород Уласай Засагай газарай Түрүүлэгшэ М.В. Мишустинда хатаһан хуурай модые ой модоной нөөсэ баялиг бэшэдэ оруулха талаар ой модоной хуули нарижуулха хэрэгтэй байһан тухай хандалга һайшаагдаһан байха юм.
Энээхэн ниигэмэй удха шанартай асуудалай үүсхэгшэнь Арадай Хурал болоо. Алас Дурнын федеральна тойрогой хуули гаргагшадай хамтын суглаан дээрэ уласай парламентын түрүүлэгшэ Владимир Павлов хандалгын тексттэй танилсуулаа. Тэрэ һанаа үүсхэлэй удхань гэхэдэ, хуурай модые ой модоной нөөсэ баялиг бэшэ болгохо гэһэн удхатайгаар ой модоной тухай федеральна хуули нарижуулха тухай болоно. Мүнөө дээрээ тус бүлэгтэ унажа хэбтэһэн модон, түгсүүл, үйһэн, һөөг модон нөөсэ баялигта ородог.
- Хаташаһан модон (хуушан модон) ой модоной нөөсэ баялигта ородог гэжэ федеральна хуули хараалагдадаггүй. Гэхэтэй хамта, хуурай хаташаһан модые ой модоной нөөсэ баялиг бэшэ гээд оруулхада, тэрэнь сүлөөтэйгөөр болон түлбэригүйгөөр эрхэтэд өөһэдын хэрэглэлгэдэ бэлэдхэхэ эрхэ олгогдохо болоно бшуу, - гэжэ Владимир Павлов хэлээ.
Тэрэшэлэн түлеэнэй модо бэлэдхэхэ талаар эрхэтэдые дэмжэхын хажуугаар элидхэл табигша хуули гаргалгын һайн талануудые баһа тэмдэглэһэн байха юм.
