Июлиин 15-да Залуушуулай танхимай гурбадахи сесси дээрэ Буряад Уласай Арадай Хуралай дэргэдэхи залуушуулай танхимай түрүүлэгшын шэнэ орлогшо һунгагдаа. Зүблөөн дээрэ Бадма Бальжинимаевай нэрэ дэбшэгшые Арадай Хуралай гэшүүн дэбжүүлбэ, харин гэшүүдэй һаналаа үгэһэнэй дүнгөөр Бальжинимаевые нэгэн дуугаар дэмжэгдээ гэжэ Восток-Телеинформ бэшэнэ.
- Минии нэрэ дэбжүүлһэнэй түлөө би баяр хүргэнэб, энэ юу хэлэнэб гэхэдэ, залуушуулай танхимай гэшүүнээр минии ажал ябуулгада үндэр сэгнэлтэ үгэһэндэ тоологдоно. - Би өөрын талаһаа юун гэжэ хэлэхэеэ һананабииб гэхэдэ, Арадай Хуралай дэргэдэхи Залуушуулай танхимай бүридэлдэ ороһон сагһаа нютагай өөһэдын хүтэлбэриин зургаануудтай хамта ажаллаха талаар комиссиин суг хүдэлэгшэд намайе комиссиин түрүүлэгшээр һунгаа һэн бэлэй, тиигэжэ хамтын хүсэ оролдолгоор уласай залуушуулай һайн байхын тула яһала ехэ ажал хээбди.
Залуушуулай бодолгын талаар өөрын ажалай хараа бодолго тобшохон тэрэ танилсуулһан байна. “Нэрэ дэбшэгшын минии хүтэлбэри болбол урид хүдэлжэ байһан түрүүлэгшын орлогшо - Алина Гненнын ажалые халан абажа улам һайжаруулха болоноб. Хоёрто – залуушуулай нэгэдэлнүүдтэй, аралжаанай бэшэ ниитын эмхинүүдтэй, залуу олзын хэрэг эрхилэгшэдтэй, оюутадтай тэдэнэй ажабайдал гуримшуулһан хүсэндөө байгаа хуулинуудые һайжаруулхын тула хамта ажаллалга болоно. Гурбада – дүй дүршэлөөрөө андалдаха болон түрүү туршалтануудые халан абахын тула ондоо нютаг можонуудай парламентын залуу гэшүүдтэй харилсаа үргэлжэлүүлгэ болоно” - гэжэ тэрэ хэлээ.
