Туһаламжада хүртэхэ зониие дэмжэһэн хуули Арадай Хуралай һунгамалнууд ээлжээтэ сесси дээрээ абаба. Ниитын һалбариин талаар дэмжэлгэ үзүүлхэ арга гуримшуулагдаха зорилготойгоор түсэл зохёогдоо.
Ород Уласай Юрэнхылэгшын 2022 оной апрелиин 1-дэ үгэһэн зарлигай ёһоор Буряад Уласта 8-17 хүрэтэр 74810 үхибүүд туһаламжа абаха юм.
-Туһаламжын мүнгэнэй хэмжээн 7 мянганһаа эхилээд 14 мянган түхэриг хүрэтэр байха, - гэжэ Буряад Уласай ниитые хамгаалгын яаманай сайд Татьяна Александровна Быкова хуралдаанай үедэ хэлээд үшөө иигэжэ нэмэнэ. – Туһаламжын мүнгэнэй хэмжээн яһала ехэ. Буряад Уласай һанһаа 504 сая, харин бүхыдөө 8 миллиард болоно. Тус туһаламжа Пеннсионно жаса харгалзалга дороо абанхай.
Туһаламжада хүртэхөөр хүүгэдэйнгээ тоо һайнаар бүридхэгты гэһэн зарлиг Ород Уласай Засагай газарһаа бууһан юм. Олзо оршо багатай гэр бүлын хүүгэдтэ буряад Уласай һанһаа түрүүн 264 түхэриг хараалагданхай һэн. Харин 2022 оной апрелиин 1-һээ дахинаа хандаһан зондо 7043, 10564,5 болон 14086 түхэриг туһаламжа хараалагдана.
