Буряад Уласай Арадай Хуралай ээлжээтэ хуралдаан дээрэ, Украинада сэрэгэй тусхай хэмжээ ябуулгада хабаадажа байһан сэрэгшэдэй гэр бүлэ дэмжэхэ зорилготой хуули һунгамалнууд һайшааба.
Сэрэгэй тусхай хэмжээ ябуулгада хабаадаад наһа бараһан, шархатаһанай һүүлдэ эрэмдэг бэетэй болоһон Донецк Арадай Уласай мүн Луганскын Арадай Уласай дэбисхэр дээрэ алба хааһанОрод Уласай Армиин сэрэгшэдэй, тусхай сэрэгэй зэргэтэй сагдаанарай үри хүүгэдые энэ хуули дэмжэхэ зорилготой. Үшөө тиихэдэ Сирийн Араб Уласта тусхай хэмжээндэ хабаадаһан сэрэгшэдтэ мүн. Хуулиин ёһоор удаадахи ниитын дэмжэлгэнүүд тодорхойлогдоо:
-Буряад Уласай гүрэнэй болон нютагай һуралсалайэмхинүүдтэ, хүүгэдэй амаралтын газарнуудта түрүүлэн оруулха.
-Буряад Уласай мэдэлдэ байһан эхин мэрэгжэлэй һуралсалай эмхинүүдтэ түлөөһэгүйгөөр һургаха.
-Анха удаа дээдэ һургуулида һурахадань гаргашыень Буряад Улас даажа абаха.
Энэ ехэ хэргтэй хуули болоно. Тус хуули тухай фракциин суглаанда хэлсэгдээ һэн. Гүрэнэй Дүүмэдэ бидэ иимэ дурадхалтайгаар хандаха һанаатайбди, - гэжэ Арадай Хуралай һунгамал Түмэн Дондоков дуулгана.
